Hulagpos: sulat-kamay para kina patatas at mar
ito ang ako na hindi kilala ang ako na hinahanap ko sa salamin ang ako na hindi rin kilala ng mga kasama kong nagigising sa kung saan-saang kama ang ako na nababayaran ngunit hindi nabibili ito ang ako na dumadamit sa akin ngayon ang ako na naglalagay ng kolorete sa mukha ng pintura sa kuko ng mantika sa buhok at labi ang ako na pinipilit kong itago noon sa takot na baka ako itakwil ng mga taong nagsabing “mahal kita” ito ang ako na nagmumulto mula sa nakaraan. ang ako na hawak noon sa aking isipan ang imahe ni Rico Blanco habang masagana kong sinasalsal ang aking katawan. ang ako na naglalaba ng mga kubrekamang may mantsa. ang ako na natatakot mabuking nila ate. ito ang ako na gusto kong ibuyangyang. ang ako na sana’y nakikita ng mga nakapikit na mata ng lipunan. ang ako na hindi na dapat pang damitan ng walang kabuluhang teorya. ang ako na hubad sa kalibugan. sanay sa hagupit ng katotohanan. ito ang ako na nagbabadyang sumabog ang ako na gusto nang magtapat kay itay nang sa gayo’y hindi ko na kailangang palakihin ang aking boses hindi ko na rin pipigilin ang natural na pilantik ng mga daliri sa gayon maipapakita ko na sa aking mga ate ang koleksyon ko ng Mariah Carey albums hindi na kailangang lokohin ang sarili ito ang ako na unti unting sinisindihan ang mitsa. isa, dalawa… (Tano) Possibly Related Posts: |
Husay naman Tano!Ü