Siya at ang Kan’yang ‘di Kilalang Bulkan sa Albay
Tatlong maiksing oras lamang ng aking buhay ang nakabahagi sa kanyang pagmamahal sa hindi kilala n’yang bulkan sa Albay. Wala sa aking akala ang payak na lupang tatsulok na ipinagmamainam niya. Ngunit hindi ako nagtaka. Pinagbukasan ng nag-aalburutong dugong bumubuo sa kan’yang pagkatao na pinananalaytay naman niya sa mga letrang humihiwa at nagbabalik ng dugo na pula na kalauna’y ididilig sa lupang pinanggalingan din niya. Hindi na rin ako nagtanong kung bakit higit pa sa maningning ang dinanas ng kanyang mata nang dumampi ang mga ito sa pigurang pinatanda ng dantaon at binubuhay ng pag-ibig Nagluwal siya ng luha ng hindi dalamhati at hindi rin kuntento. Inilubog man sa distansya ng bato at disyerto ang panahon, naghimagsik naman ito’t bumawi sa tatlong oras na hindi maaalis aking kasaysayan. (Gelo)
Possibly Related Posts:
|
